Tu âs cirût la peraule
monolengâl
torne indaûr

monolengâl

jevâsi sù loc.v.
Tirâsi sù impins, no stâ plui sentât o distirât
sinonims
jevâ sù, tirâsi sù, jevâsi, jevâ
esemplis
"al svuedà la sô tace, al paià, saludà ducj e al jessè da la ostarie. Ancje Toni si jere jevât sù daûrji par creance"
gjavât fûr di "La cjase di Toni" di Tarcisio Venuti
"al sberlà cirint di jevâsi sù di buride. L'infermîr lu blocà cun dut il pês dal so cuarp"
gjavât fûr di "Tal ospedâl" di Amedeo Giacomini
jevâsi sù loc.v.
Lâ sù, lâ ad alt o ancje intune direzion che si pues calcolâ ad alt, superiôr, setentrionâl e v.i. (ancje fig.)
sinonims
lâ sù, jevâ sù, jevâ, jevâsi
esemplis
"il passar al slargjà svelt lis alis, al petà il svual e si jevà sù in alt"
gjavât fûr di "Di là de rêt" di Jolanda Mazzon
jevâsi sù loc.v.
Rivâ o tornâ a un nivel alt di fuarce, benstâ, valôr, libertât e v.i. (fig.)
sinonims
jevâ sù, tirâsi sù, jevâ, jevâsi
esemplis
"une serie di events tragjics – da lis invasions dai Ongjars al taramot dal 1976 – che [il popul furlan] al rive a superâ, tornant a jevâsi sù miôr di prime"
gjavât fûr di "Tito Maniacco e i furlans: sono pardabon cence storie?" di Dree Venier
torne sù